ახალი ამბები

ირანის გენერალური კონსულის ვიზიტი

26 თებერვალი 2016 წელი

უნივერსიტეტს სტუმრად ეწვია ირანის გენერალური კონსული. მარტში ბათუმში ირანელი მუსიკოსების კონცერტი გაიმართება, რომელსაც ხელოვნების უნივერსიტეტი უმასპინძლებს. რექტორთან შეხვედრაზე საუბარი ირანთან სამომავლო თანამშრომლობის პერსექტივებს, ირანის სახელოვნებო უნივერსიტეტებთან გაცვლითი პროგრამების ამოქმედებასა და ერთობლივი აქტივობების დაგეგმვას შეეხო. ბათუმის ხელოვნების უნივერსიტეტს ირანთან 2 წლიანი თანამშრომლობა აკავშირებს, თანამშრომლობის ფარგლებში ბათუმში არაერთი აქტივობა განხორციელდა.
სრულად

გამოფენა ზუგდიდის სამხატვრო გალერეაში

25 თებერვალი 2016 წელი

24 თებერვალს ზუგდიდის სამხატვრო გალერეაში გაიხსნა ბათუმის ნ.კანდელაკის სახელობის სამხატვრო სკოლის მოსწავლეთა ნამუშევრებისა და აჭარის მხატვართა კავშირის მხატვრების ბლიც-გამოფენა, სადაც წარმოდგენილი იყო ხელოვნების უნივერსიტეტის პროფესორ-მასწავლებლების: ქეთევან ფილიპოვას, მიხეილ კვაჭაძის, ბექა ბოლქვაძის, ქეთევან ვაჩეიშვილის, მაია გერსამიას, ნოდარ კვირკველიას, გელა გორგილაძის ნამუშევრები.
სრულად

გადაეცათ საპატიო სიგელები

25 თებერვალი 2016 წელი

ხელოვნების უნივერსიტეტის ასოცირებულ პროფესორი მიხეილ კვაჭაძე და უფროსი მასწავლებელი ქეთევან ფილიპოვა-კვაჭაძე ნაყოფიერი პედაგოგიური და შემოქმედებითი საქმიანობისთვის დაბადების 60 წლის იუბილესთან დაკავშირებით დაჯილდოვდნენ ხელოვნების უნივერსიტეტის საპატიო სიგელით.
ვულოცავთ ქალბატონ ქეთევანსა და ბატონ მიხეილს საიუბილეო თარიღს და ვუსურვებთ შემოქმედებით წარმატებებს.
სრულად

გადაეცათ სერთიფიკატები

25 თებერვალი 2016 წელი

ხელოვნების უნივერსიტეტის ახალი შენობის არქიტექტურულ ესკიზებზე აქტიური მუშაობისათვის გამოეცხადათ მადლობა და გადაეცათ სერთიფიკატები შენობა-ნაგებობათა არქიტექტურის სპეციალობის სტუდენტებს: ლია გელოვანს, ნათია ჩიტაძეს, ნანა ყიფშიძეს, თეა ფუტკარაძეს, ჯიმშერ ჯიხვაძეს, ელინა წითელაძეს, ლაშა სამსონიას, პედაგოგებს: გიორგი რამიშვილსა და მარტა ჩიკაშუას.
სრულად

ყურადღება - სტუდენტთა დასაქმება!

23 თებერვალი 2016 წელი

საქართველოს შრომის, ჯანმრთელობისა და სოციალური დაცვის სამინისტროს საჯარო სამართლის იურიდიული პირი სოციალური მომსახურების სააგენტო პროფესიული და უმაღლესი საგანმანათლებლო დაწესებულებების სტუდენტთა დასაქმების ხელშეწყობის მიზნით აქვეყნებს ვაკანსიების ჩამონათვალს სტუდენტთათვის. ვაკანსიით დაინტერესებული პირი, იმისათვის რომ მონაწილეობა მიიღოს დამსაქმებლის მიერ ორგანიზებულ შერჩევის პროცესში, აუცილებელია რეგისტრირებული იყოს შრომის ბაზრის მართვის საინფორმაციო სისტემაში (www.worknet.gov.ge) და მასზე გაიცეს „სამუშაოს მაძიებლის საგზური“ სოციალური მომსახურების სააგენტოს დასაქმების პროგრამების დეპარტამენტის ან მოქალაქის საცხოვრებელი ადგილის მიხედვით ტერიტორიული ერთეულის მიერ.
დამატებითი ინფორმაციის მისაღებად მიმართეთ დასაქმების პროგრამების დეპარტამენტს შემდეგ ელ.ფოსტაზე tjgerenaia@ssa.gov.ge .
სრულად

სიახლეების კალენდარი

ორშსამოთხხუთპარშაბკვ
      1
2345678
9101112131415
16171819202122
23242526272829
3031