საქართველოს კულტურისა და ძეგლთა დაცვის მინისტრის მ. გიორგაძის ვიზიტი ხელოვნების უნივერსიტეტში
27 თებერვალი 2015 წელი
„ხელოვნების უნივერსიტეტის ისტორიაში ეს არის პირველი შემთხვევა, როდესაც დაწესებულებას საქართველოს კულტურისა და ძეგლთა დაცვის მინისტრი სტუმრობს“ – მისასალმებელ სიტყვაში აღნიშნა ბათუმის ხელოვნების უნივერსიტეტის რექტორმა ერმილე მესხიამ. შეხვედრა გაიმართა დიალოგის ფორმატში, რომელსაც ესწრებოდნენ პროფესორ-მასწავლებლები და თანამშრომლები. საუბარი შეეხო უნივერსიტეტის დაფინანსების, მატერიალურ-ტექნიკური ბაზისა და შენობის ადგილმონაცვლეობის საკითხებს. მინისტრს თან ახლდნენ მინისტრის მოადგილე მ. ბერიკაშვილი და აჭარის ავტონომიური რესპუბლიკის განათლების, კულტურისა და სპორტის მინისტრი გ. თავამაიშვილი.
