ქეთევან გოგოლაძის გამოკვლევა არის გრაფიკისა და ნახატის გამოყენებით,  მუსიკალური ენის სტრუქტურულ-შინაარსობრივი კომპონენტების კომპლექსურ-სისტემური შესწავლის პირველი წარმატებული მცდელობა.

ნაშრომში ავტორი დეტალურად განიხილავს მუსიკის ძირითადი გამომსახველი ელემენტების: ბგერის, ინტერვალის, აკორდის, მეტრის და მთლიანობაში - ფორმის, ფერში და გრაფიკაში გამოხატვის თავისებურებებს. ექსპერიმენტული მასალის ანალიზმა აჩვენა, რომ აღქმის მთავარი მექანიზმია სუბიექტის მთლიან-პიროვნული განწყობა. ნებისმიერი ქცევა, დ.ნ. უზნაძის თეორიის მიხედვით,  კონკრეტული მზადყოფნის რეალიზებაა, არც ერთი ქმედება არ წარმოიშვება „ცარიელ ადგილზე“.

ავტორმა მოიძია მუსიკის განვითარების ძირითადი პრინციპების (ექსპოზიციურობისა და რეპრეზანტულობის, იგივეობისა და კონტრასტულობის - მთლიან ფორმაში გარდატეხის, თემების სტრუქტურის თავისებურებების, განვითარებადი მასალის  სონატურ  ფორმაში კონცენტრირების და ა.შ.) ვიზუალური კორელატები.     

ავტორის მიერ მიღებული შედეგები, პირველ რიგში წარმოადგენს ინტერესს თეორიული მუსიკისმცოდნეობისათვის და სამუსიკო განათლების მეთოდიკისათვის.