15 და 16 მაისს თბილისის თეატრისა და კინოს უნივერსიტეტის პროფესორმა, ცნობილმა თეატრმცოდნემ ვასილ კიკნაძემ ჩაატარა საჯარო ლექცია-მასტერკლასი ქართული თეატრის ისტორიაში.

ჩვენს ქალაქში მიმდინარეობს გადაღებები თურქეთ-საქართველოს ერთობლივი ფილმისა „ნახვამდის კატია“, რომელსაც იღებს თურქი რეჟისორი ახმედ სონნეზი. გადაღების პროცესში აქტიურად არიან ჩართული უნივერსიტეტის სახვითი, სასცენო და კინო-ტელე ხელოვნების სპეციალობის სტუდენტები. კინოხელოვნების სპეციალობების ყველა სტუდენტისთვის ეს არის სასწავლო-საველე პრაქტიკა, სადაც ისინი გაეცნობიან გადამღები ჯგუფის მუშობის სპეციფიკას და დაეუფლებიან პრაქტიკულ უნარ-ჩვევებს, რომელიც სამომავლოდ გამოადგებათ პროფესიულ საქმიანობაში.

გაზეთი "ბათუმელები", 2012 წლის 14-20 მაისი

აჭარის ავტონომიური რესპუბლიკის განათლების, კულტურისა და სპორტის მინისტრი ბატონი გია აბულაძე სტუმრად ეწვია ხელოვნების უნივერსიტეტს. გაიმართა შეხვედრა სტუდენტებთნ და პროფესორ-მასწავლებლებთან. შეხვედრაზე ისაუბრა სახელოვნებო-საგანმანათლებლო პროგრამების განხორციელების, სამუსიკო და სახელოვნებო სკოლებში სწავლების, სტუდენტურ პროგრამებსა და სხვა აქტუალურ საკითხებზე.

გაიმართა ტანსაცმლის დიზაინის სპეციალობის პროფესიული საგანმანათლებლი პროგრამის კურსდამთავრებულთა სადიპლომო ნამუშევრების ჩვენება. ჩვენება მე-20 საუკუნის რეტროს სტილს ასახავდა. შვიდი კურსდამთავრებულიდან თითოეული სამი ნამუშევრით წარსდგა აუდიტორიის წინაშე. სადიპლომო ნამუშევრები სპეციალურმა საგამოცდო კომისიამ შეაფასა.

7 და 8 მაისს გაიმართა მასტერკლასი თანამედროვე ევროპული თეატრალური ხელოვნების საკითხებზე. საფრანგეთის "მზის თეატრის" და ირლანდიური თეატრების მიერ ბოლო წლებში განხორციელებულ პროექტებზე ისაუბრა ირლანდიის ტრინიტი კოლეჯის პროფესორმა, ბეკეტის ცენტრის თვმჯდომარემ, ნაციონალური დრამის აკადემიის დირექტორმა, მსოფლიო თეატრის მკვლევარების ასოციაციის ექსპრეზიდენტმა ბრაიან სინგლტონმა.

გაიმართა შეხვედრა ჩინეთის რესპუბლიკის ჩანგშას ჰუნანის პროვინციის ოფიციალურ დელეგაციასთან. ბათუმის შოთა რუსთაველის სახელმწიფო უნივერსიტეტში დელეგაციას შეხვდა აჭარის ა.რ. განათლების, კულტურისა და სპორტის მინისტრი გია აბულაძე. შეხვედრაში მონაწილეობდა ხელოვნების უნივერსიტეტის რექტორი ე. მესხია, რომელმაც დელეგაციის წევრებს მიაწოდა ინფორმაცია უნივერსიტეტის საგანმანათლებლო პროგრამების შესახებ. მხარეებმა ისაუბრეს სამომავლო გეგმებზე, ორმხრივ თანამშრომლობაზე, საგანმანათლებლო კუთხით გაცვლითი პროგრამების შემუშავებაზე.

მოეწყო სასწავლო-საველე პრაქტიკა იმერეთის რეგიონში. სტუდენტებმა დაათვალიერეს დავით კაკაბაძის სახელობის ქუთისის სახვითი ხელოვნების გალერეა, მოინახულეს გელათი, კაცხის ტაძრი, კაცხის სვეტი, მღვიმევის სამონასტრო კომპლექსი.

გაიმართა მუსიკის ფაკულტეტის ასოცირებული პროფესორის ნინო ჩაიძის საკონცერტმაისტერო კლასის კონცერტი. მონაწილეობდნენ მაგისტრები თეონა წულუკიძე და რუსუდან ჯინჭარაძე.

გაიმართა კონცერტი სახელწოდებით "მე-20 საუკუნის მუსიკის საღამო." მონაწილეობდნენ მუსიკის ფაკულეტის სტუდენტები:ნინო ნიშნიანიძე, ლაურა მჟავანაძე, ინგა ცისკარიძე, მარიამ მახარაძე, ხატია ლატარია, ნინო ბერიძე, იოსებ პაპიძე, მარიამ ფირცხალაიშვილი, თამარ ძველაია.