2024 წლის 13 მაისს, ბათუმში, ახალგაზრდული ფესტივალის ფარგლებში, თანამედროვე ცეკვისა და მუსიკალური ბენდების კონკურსი გაიმართა. თანამედროვე ცეკვის კონკურსში ბათუმის ხელოვნების სახელმწიფო სასწავლო უნივერსიტეტი მეორე ადგილზე გავიდა. წარდგენილი იყო ცეკვა - ,, ესპანური.’’ ასრულებდნენ დრამისა და კინოს სამსახიობო პროგრამის II კურსის სტუდენტები: ანი მელაძე, სალომე ბედინეიშვილი, მარიამ გუჯაბიძე და ქორეოგრაფიული სტუდია BT ART-ის მოცეკვავე - ელენე ხინკილაძე. ქორეოგრაფი: ასისტენტ-პროფესორი - თამარ ბერიძე.

თანამედროვე ცეკვის კონკურსში I ადგილი - თბილისის სახელმწიფო სამედიცინო უნივერსიტეტმა, III ადგილი კი კავკასიის უნივერსიტეტმა დაიკავა. სტუდფესტის ფარგლებში კონკურსი სხვადასხვა სფეროში, საქართველოს სხვადასხვა ქალაქში ტარდება. თანამედროვე ცეკვისა და მუსიკალური ბენდების კონკურსი ხელვაჩაურის მუნიციპალიტეტის კულტურის ცენტრში გაიმართა.