2025 წლის 14-15 აპრილს 15:00 ბათუმის ხელოვნების სახელმწიფო უნივერსიტეტში (აუდიტორია № 430) ჩატარდება კალიგრაფიის მასტერკლასი, რომელიც მიეძღვნება ქართული ენის დღეს. ორდღიან მასტერკლასზე მონაწილეები ტრადიციული კალმისა და მელნის გამოყენებით აითვისებენ ქართული ასომთავრული, მხედრული და ნუსხური დამწერლობის გრაფიკულ საფუძვლებს. სხვადასხვაგვარი კალმებით შექმნიან ნამუშევრებს როგორც ტრადიციულ, ისე თანამედროვე სტილში, ბოლოს კი ცვილითა და მელნით დაბეჭდავენ. მასტერკლასის დასრულების შემდეგ გაიცემა სერტიფიკატი.მასტერკლასს ჩაატარებს დავით მაისურაძე კალიგრაფი, საქართველოს კალიგრაფთა ასოციაციის თანადამფუძნებელი, დირექტორის
მოადგილე

საჯარო ლექცია ფოტოგრაფიის როლზე ურბანულ სივრცეში.

2025 წლის 11 აპრილს, 14:00 საათზე, ბათუმის ხელოვნების სახელმწიფო უნივერსიტეტის 420-ე აუდიტორიაში გაიმართება საჯარო ლექცია. მადრიდის კულტურული მემკვიდრეობის კონსერვაციისა და რესტავრაციის უმაღლესი სკოლის დირექტორი და პროფესორი დავიდ გომეს ლოზანო წარმოადგენს მოხსენებას თემაზე: „ფოტოგრაფია, როგორც სამოქალაქო ლანდშაფტის ფაქტობრივი კონსერვაციის დოკუმენტირების ინსტრუმენტი და განსხვავებული ურბანული სივრცეებისთვის გარკვეული საერთო იდეების ან სტერეოტიპების ჩამოყალიბება".ლექცია განკუთვნილია უნივერსიტეტის სტუდენტებისთვის.

დასწრება თავისუფალია.