გაფორმდა ურთიერთთანამშრომლობის მემორანდუმი აჭარის ავტონომიური რესპუბლიკის განათლების, კულტურისა და სპორტის სამინისტროსა და სსიპ ბათუმის ხელოვნების სასწავლო უნივერსიტეტს შორის. მემორანდუმის თანახმად განხორციელდება ერთობლივი შემოქმედებითი პროექტები. სტუდენტები, დიპლომანტები და მაგისტრანტები ჩაერთვებიან სხვადასხვა მიმართულებით პროექტების შემუშავებაში, ასევე მონაწილეობას მიიღებენ სამინისტროს ეგიდით ჩატარებულ შემოქმედებით პროექტებსა და ღონისძიებებში.

ხელოვნების მუზეუმის მცირე გალერეაში გაიმართა სამოსის დიზაინის სპეციალობის მე-3 კურსის სტუდენტთა ნამუშევრების გამოფენა. ჯგუფის ხელმძღვანელი, პროფესორი ქეთევან ვაჩეიშვილი. წარმოდგენილი იყო ბატიკაში შესრულებული ოცდაათზე მეტი ნამუშევარი.

გაიმართა სტუდენტთა საერთაშორისო კონფერენცია. მასში მონაწილეობდნენ: რიზეს რეჯეფ თაიპ ერდოღანის უნივერსიტეტის, ტრაპიზონის შავი ზღვის უნივერსიტეტის, ართვინის ჭოროხის უნივერსიტეტის, აშშ-ს სამხრეთ იუტას უნივერსიტეტის, თბილისის ვანო სარაჯიშვილის სახელმწიფო კონსერვატორიის, აპოლონ ქუთათელაძის სახელობის სამხატვრო აკადემიის, შოთა რუსთაველის თეატრისა და კინოს უნივერსიტეტისა და ხელოვნების უნივერსიტეტის 30-მდე სტუდენტი. კონფერენციის მუშაობა სამ სექციად წარიმართა: 1. კულტურა; 2. ხელოვნება; 3. მუსიკა.

ხელი მოეწერა ურთიერთთანამშრომლობის მემორანდუმს ბათუმის ხელოვნების უნივერსიტეტსა და სსიპ-საზოგადოებრივი კოლეჯი „ახალი ტალღა“ -ს შორის.

საქართველოს ფინანსთა სამინისტრომ გამოაცხადა კონკურსი საუკეთესო სტატიის შესარჩევად თემაზე: „საქართველოს პირველ რესპუბლიკაში განხორციელებული ეკონომიკური რეფორმები და პოლიტიკა". კონკურსი იმართება საქართველოს დამოუკიდებლობის დღისადმი მიძღვნილი ღონისძიებების ფარგლებში. გამარჯვებული ნაშრომის ავტორს 2016 წლის 20 მაისს, გამოავლენს საკონკურსო კომისია. საუკეთესო 10 სტატია დაიბეჭდება კრებულის სახით. კონკურსში მონაწილეობის მიღება შეუძლიათ საქართველოს უმაღლესი სასწავლებლების სტუდენტებს, მაგისტრანტებსა და დოქტორანტებს.