განათლების ხელმისაწვდომობის გაზრდის მიზნით აჭარის ავტონომიური რესპუბლიკის განათლების, კულტურისა და სპორტის სამინისტრო 2016 წელს საბაკალავრო და სამაგისტრო საგანმანათლებლო პროგრამებზე ჩარიცხული სტუდენტების დაფინანსებისთვის აცხადებს კონკურსს.

სტუდენტთა დასაქმების ხელშეწყობის მიზნით საქართველოს შრომის, ჯანმრთელობისა და სოციალური დაცვის სამინისტროს სსიპ სოციალური მომსახურების სააგენტო დასაქმების მსურველ სტუდენტებს სთავაზობს თვისუფალი ვაკანსიების ჩამონათვალს. დაწვრილებითი ინფორმაციისათვის იხ.: www.worknet.gov.ge. დამატებითი ინფორმაციისთვის მიმართეთ დასაქმების პროგრამის თანამშრომელს თემურ ჯგერენაიას, ტელ.:555 73 85 73, ელ.ფოსტა: tjgerenaia@ssa.gov.ge

10 ივნისს საქართველოს პარლამენტის ეროვნულ ბიბლიოთეკაში გაიმართა დამსახურებული პედაგოგის, ხელოვნების უნივერსიტეტის პროფესორის თამაზ ცერიაშვილის ნამუშევრების გამოფენა და კონცერტი, რომელშიც მონაწილეობდნენ მუსიკის ფაკულტეტის სტუდენტები.

მიმდინარე წლის 8 ივნისს გაიმართა მუსიკის ფაკულტეტის აკადემიური სიმღერის სპეციალობის მეორე კურსის მაგისტრანტის სალომე სალაძის სოლო კონცერტი. ხელმძღვანელი, პროფესორი მარიამ ჯახუტაშვილი. შესრულდა მოცარტის, დონიცეტის, დოლიძის, რახმანინოვის ნაწარმოებები. კონცერტმაისტერი ევგენია ღოღელიანი.

მიმდინარე წლის 6 ივნისს გაიმართა ხელოვნების უნივერსიტეტის მუსიკის ფაკულტეტის ასოცირებული პროფესორის ნათელა ხომერიკის კლასის კონცერტი. მონაწილეობდნენ მაგისტრატურის აკადემიური სიმღერის სპეციალობის II კურის სტუდენტი ნინო ქარცივაძე, ბაკალავრიატის აკადემიური სიმღერის სპეციალობის IV კურსის სტუდენტები ინგა მელიქიშვილი და ნინო წულაია. კონცერტმაისტერი ნანა კვირიკაძე. შესრულდა არიები ჰენდელის, არაყიშვილის, ვერდის, შტრაუსის, დონიცეტის, ლაღიძის, პუჩინის, ლისტის ნაწარმოებებიდან.