3 მარტს ქ. ოზურგეთის სამხატვრო გალერეაში გაიხსნა ბათუმში მცხოვრები გურული მხატვარი ქალების ნამუშევრების გამოფენა, რომელშიც მონაწილეობა მიიღეს ჩვენი უნივერსიტეტის პროფესორ-მასწავლებლებმა: ქეთევან ვაჩეიშვილმა, დიანა თალაკვაძემ, ქეთევან ფილიპოვამ და ამავე უნივერსიტეტის კურსდამთავრებულმა მარიკა კვაჭაძემ.

ბათუმის ხელოვნების უნივერსიტეტში კურსდამთავრებულის ერეკლე სიგუას პერსონალური ფოტოგამოფენა გაიმართა. გამოფენაზე წარმოდგენილი იყო ფირით გადაღებული ფოტოები. ფოტოგრაფისთვის ეს პირველი პერსონალური გამოფენაა.

3 მარტს ხელოვნების უნივერსიტეტში აჭარის ფინანსთა და ეკონომიკის სამინისტრომ საფეხბურთო სტადიონის პროექტები გამოფინა. გამოფენა 12 მარტამდე გაგრძელდება.
გამარჯვებულ პროექტს სპეციალურად შექმნილი საპროექტო კომისია გამოავლენს, რის შემდეგაც სამინისტრო პროექტის მშენებლობაზე გამოაცხადებს ტენდერს. საპროექტო კონკურსში 11 კომპანია მონაწილეობს.

აჭარის ავტონომიური რესპუბლიკის განათლების, კულტურისა და სპორტის სამინისტრომ თავისუფალი პროექტების პროგრამის ფარგლებში დააფინანსა უნივერსიტეტის პროფესორის ქ. ვაჩეიშვილის პროექტი "ანტიკური სამოსი მინოსური კრეტიდან ბიზანტიამდე" 20 ათასი ლარის ოდენობით. პროექტის განხორციელებაში ჩართული არიან უნივერსიტეტის სხვადასხვა სპეციალობის სტუდენტები.

„ხელოვნების უნივერსიტეტის ისტორიაში ეს არის პირველი შემთხვევა, როდესაც დაწესებულებას საქართველოს კულტურისა და ძეგლთა დაცვის მინისტრი სტუმრობს“ – მისასალმებელ სიტყვაში აღნიშნა ბათუმის ხელოვნების უნივერსიტეტის რექტორმა ერმილე მესხიამ. შეხვედრა გაიმართა დიალოგის ფორმატში, რომელსაც ესწრებოდნენ პროფესორ-მასწავლებლები და თანამშრომლები. საუბარი შეეხო უნივერსიტეტის დაფინანსების, მატერიალურ-ტექნიკური ბაზისა და შენობის ადგილმონაცვლეობის საკითხებს. მინისტრს თან ახლდნენ მინისტრის მოადგილე მ. ბერიკაშვილი და აჭარის ავტონომიური რესპუბლიკის განათლების, კულტურისა და სპორტის მინისტრი გ. თავამაიშვილი.