კანის კინოფესტივალის პრიზიორმა ირანელმა რეჟისორმა მოჰსენ მაჰმალბაფმა ჩაატარა მასტერკლასი ხელოვნების უნივერსიტეტის სტუდენტებისთვის.
მაჰმალბაფი 1957 წლის 29 მაისს ირანში დაიბადა. მისმა ფილმმა 2001 წელს მიიღო კანის კინოფესტივალის პრიზი.
ცნობილი კინორეჟისორი 27 წიგნის, 18 სრულმეტრაჟიანი, 3 დოკუმენტური და 4 მოკლემეტრაჟიანი ფილმის ავტორია. მას კინოსფეროში 40-ზე მეტი საერთაშორისო პრიზი აქვს მიღებული

ფოთის აკაკი ხორავას სახელობის სახელოვნები სასწავლებელში გაიმართა კონცერტი მუსიკის ფაკულტეტის სტუდენტთა მონაწილეობით.

სახვითი, სასცენო და კინო-ტელე ხელოვნების ფაკულტეტის სამსახიობო სპეციალობის მე-3 კურსმა წარმოადგინა სპექტაკლი "თუთიყუში". მონაწილეობდნენ: გიორგი არველაძე, გიორგი ძირკვაძე, დავით დიასამიძე, გოგიტა დიდმანიძე. სასცენო ხელოვნების დეპარტამენტის ხელმძღვანელი, ასოცირებული პროფესორი ვ. ბიბილეიშვილი, ჯგუფის ხელმძღვანელი, ასოცირებული პროფესორი მ. ლებანიძე, მეტყველების პედაგოგი - ასოცირებული პროფესორი თ. მეიშვილი.

გრძელდება დისტანციური მასტერკლასები სან-ფრანცისკოს ხელოვნების ინსტიტუტსა და ბათუმის ხელოვნების უნივერსიტეტს შორის. ორი უმაღლესი სასწავლებლის კინოხელოვნების სპეციალობის სტუდენტები ერთობლივ პროგრამაზე მუშაობენ. შეირჩა თემები, რომლის მიხედვით წერენ სცენარებს, მომდევნო ეტაპზე გათვალისწინებულია ერთობლივი ფილმების გადაღება. სასწავლო წლის დასასრულს კი დაგეგმილია ფილმების ჩვენება.

ბათუმის ხელოვნების უნივერსიტეტს კიდევ ერთი დოქტორი შეემატა. ხელოვნების თეორიისა და ისტორიის დეპარტამენტის უფროსმა მასწავლებელმა თეიმურაზ კეჟერაძემ ბათუმის შოთა რუსთაველის სახელმწიფო უნივერსიტეტში დაიცვა დისერტაცია თემაზე „ფრიდრიხ შილერის პიესების ინტერპრეტაციები ქართულ თეატრში“. სპეციალიზირებული საბჭოს გადაწყვეტილებით დისერტანტს ხელოვნების ისტორიისა და თეორიის აკადემიური დოქტორის ხარისხი მიენიჭა. ხელოვნების უნივერსიტეტი ულოცავს თ. კეჟერაძეს დისერტაციის დაცვას და უსურვებს წარმატებებს.