მიმდინარე წლის 4 აპრილს გაიმართება კონცერტი დანიელი პიანისტების, მუსიკალური სკოლის "გრადუს ფორტეპიანოს" მოსწავლეების მონაწილეობით. ღონისძიება ჩატარდება ბათუმის მე-2 სამუსიკო სკოლის დარბაზში. მისამართი: ქ. ბათუმი, ბაქოს ქ. 48. (ყოფილი გოგებაშვილის ქ. 48.)

ევროპის აკადემიური ცენტრი გთავაზობთ პრეზენტაციის გამართვას თქვენს უნივერსიტეტში 2014 წლის გაცვლით პროგრამებთან დაკავშირებით, სადაც განხილული იქნება ამერიკასა და ევროპის ქვეყნებში არსებული პროგრამები, ყურადღება გამახვილდება გაეროს ნიუ იორკის, სტრასბურგის, მადრიდის, პრაღაში სტაჟირებისა და საზაფხულო სკოლების დეტალებზე, მონაწილეობის პირობებისა და სპეციალურად სტუდენტთათვის არსებულ შეღავათებზე.

29 მარტს ხელოვნების ცენტრში გაიმართა კონცერტი. შესრულდა არიები ჯაკომო პუჩინის, ჟორჟ ბიზეს, პიეტრო მასკანის, ჯუზეპე ვერდის, ზაქარია ფალიაშვილის და რევაზ ლაღიძის ნაწარმოებებიდან.
არიები ხელოვნების უნივერსიტეტის კურსდამთავრებულთან ნონა კორიფაძესთან ერთად არმაზ დარაშვილმა შეასრულა. ბათუმის სახელმწიფო მუსიკალური ცენტრის საოპერო სტუდიის სოლისტების პირველ სოლო კონცერტს აკომპანირება მუსიკალური ცენტრის ორკესტრმა უნივერსიტეტის ასოცირებული პროფესორის, მამუკა ალაფიშვილის დირიჟორობით გაუწია.

კვირას, 30 მარტს, 13 საათზე, ბათუმის ხელოვნების უნივერსიტეტის კინოკლუბში ნაჩვენები იყო ე. კუსტურიცას ფილმი "ანდერგრაუნდი".

გრძელდება მასტერკლასები სან-ფრანცისკოს ხელოვნების ინსტიტუტთან. ორი უმაღლესი სასწავლებლის კინოხელოვნების სპეციალობის სტუდენტები პროფესორების ზაზა ხალვაშისა და ქრისტოფერ კოპოლას ხელმძღვანელობით ერთობლივ პროექტზე მუშაობენ. ამ ეტაპზე პროექტრში მონაწილე სტუდენტები ჯგუფებად დანაწილდნენ და თითოეული ჯგუფი უკვე კონკრეტულ თემაზე აგრძელებს მუშაობას.