ხელოვნების უნივერსიტეტის მუსიკის ფაკულტეტის სტუდენტი ნინო წულაია საქართველოს ტელევიზიის "რუსთავი 2"-ის პროექტ "ნიჭერი"-ის ნახევარფინალში მოხვდა და მეორე ადგილი მოიპოვა. უნივერსიტეტის რექტორატი ულოცავს ნინოს ამ მნიშვნელოვან წარმატებას და ფინალში გამარჯვებას უსურვებს.

5 დეკემბერს, კინოთეატრ ამირანში თბილისის რიგით მე-16 საერთაშორისო კინოფესტივალი დაიხურა.
ფესტივალზე წარდგენილი იყო ხელოვნების უნივერსიტეტის პროფესორის, რეჟისორ ზაზა ხალვაშის სრულმეტრაჟიანი მხატვრული ფილმი „სოლომონი“(მონტაჟის რეჟისორი პროფესორი ზურაბ ქავთარაძე, ოპერატორი უნივერსიტეტის ასისტენტ-პროფესორი მამუკა ჩხიკვაძე, მხატვარი პროფესორი ქეთევან ვაჩეიშვილი.)
ნამუშევარმა მოიპოვა „პრომეთე საუკეთესო მხატვრული ფილმისთვის.“ ფილმის გადაღებებში ასევე აქტიურად იყვნენ ჩართულნი რეჟისურის სპეციალობის სტუდენტები.
უნივერსიტეტის რექტორატი ულოცავს მთელს შემოქმედებით კოლექტივს ამ მნიშვნელოვან გამარჯვებას და შემდგომ წარმატებებს უსურვებს.

"აჭარაში კინოხელოვნების განვითარების ხელშეწყობის" პროგრამის ფარგლებში მიმდინარე წლის 7, 8 და 9 დეკემბერს ქართველმა კინორეჟისორმა და სცენარისტმა ზაზა ურუშაზემ ჩაატარა მასტერკლასი რეჟისურაში.

პროდიუსერმა, ნიკოლოზ აბრამაშვილმა, რომელიც აქტიურად მოღვაწეობს კინოინდუსტრიაში, ჩაატარა მასტერკლასი. ის გახლავთ 2015 წელს საქართველოს სახელით ოსკარზე წარდგენილი ფილმის "მოირა" და 2013 წელს გადაღებული ცნობილი ქართულ-ფრანგული კო-პროდუქციის "ძმა" თანაპროდიუსერი. ასევე მუშაობდა რეჟისორ ნინო ჟვანიას ფილმზე "აღლუმი". რომლის გადაღებები მიმდინარეობდა აჭარის ტერიტორიაზე აჭარის ა.რ. განათლების, კულტურისა და სპორტის სამინისტროს კინოხელოვნების განვითარების ხელშეწყობის პროგრამის ფარგლებში, 2015 წლის ნოემბერში.

"აჭარაში კინოხელოვნების განვითარების ხელშეწყობის" პროგრამის ფარგლებში ჩატარდა მასტერკლასი თემაზე "მსახიობებთან მუშაობა, წინამოსამზადებელი პერიოდი". მასტერკლასი ჩაატარეს კონკურსში ერთ-ერთი გამარჯვებული ფილმის "ანდრო" რეჟისორმა თორნიკე გოგრიჭიანმა და პროდიუსერმა ნოდარ ნოზაძემ. მასტერკლასის მიმდინარეობას ესწრებოდა აჭარის ავტონომიური რესპუბლიკის განათლების, კულტურისა და სპორტის მინისტრის მოადგილე ნათია სირაბიძე.