24 დეკემბერს ხელოვნების უნივერსიტეტში საქალაქო შემეცნებითი ოლიმპიადა "ბათუმი" ზამთრის სერია 2015-ის ფინალური ტური გაიმართა, რომელშიც მონაწილეობდა 6 გუნდი. მესამე ადგილზე გავიდა შაჰინის სახელობის მეგობრობის სკოლა-ლიცეუმის გუნდი "მუზა" (38,7 ქულა), მეორე ადგილზე - სასულიერო გიმნაზიის გუნდი "ჭოტი" (42,0 ქულა), ხოლო გამარჯვებული გახდა მე-7 სკოლის გუნდი "ფესტინა-ლენტე" (47,1 ქულა).
გამარჯვებულები დააჯილდოვა ხელოვნების უნივერსიტეტმა, გამომცემლობამ "წიგნები ბათუმში", აჭარის ა.რ. სპორტისა და ახალგაზრდობის საქმეთა დეპარტამენტმა და აჭარის ა.რ. უმაღლესი საბჭოს განათლების, მეცნიერების, კულტურისა და სპორტის საკითხთა კომისიამ.
ოლიმპიადის მესამე სეზონი გაიმართება 2016 წლის გაზაფხულზე.

საახალწლო კარნავალზე მიიპატიჟეს სტუდენტებმა პროფესორ-მასწავლებლები და უნივერსიტეტის თანამშრომლები. საკარნავალო ტანსაცმელში გამოწყობილებმა "ჩამჭრელი" კითხვები დაუსვეს მოწვეულ სტუმრებს, იმღერეს, იცეკვეს და დამსწრეთ დამდეგი შობა ახალი წელი მიულოცეს.

საქართველოს მენეჯმენტის სკოლა, მასპინძლობის მენეჯმენტის განვითარების მიზნით მართავს სამუშაო შეხვედრას ლაურეატის ჯგუფის წარმომადგენლებთან 17 დეკემბერს 15-00 საათზე ხელოვნების უნივერსიტეტში. საქართვრლოს მენეჯმენტის სკოლის მისიაა აღზარდოს და განავითაროს პროფესიონალები, რომლებიც თვალსაჩინო წვლილს შეიტანენ ქვეყნის კერძო და საჯარო სექტორის განვითარებაში. სკოლა თანამშრომლობს მსოფლიოს წამყვან საგანმანათლებლო ცენტრებთან.

ხელოვნების უნივერსიტეტში გაიმართა მწერალ გ. ოდიშარიას ახალი წიგნის წარდგენა, რომელსაც ესწრებოდნენ აფხაზური დიასპორის წარმომადგენლები და უნივერსიტეტის რექტორი.

14 დეკემბერს ხელოვნების უნივერსიტეტში დაიწყო საქალაქო შემეცნებითი საკონკურსო ოლიმპიადა "ბათუმი"-ს ზამთრის სერია 2015, რომელშიც მონაწილეობას ღებულობს ბათუმის 24 კერძო და საჯარო სკოლის 144 მოსწავლე.
ოლიმპიადა წარმოადგენს ლოგიკურ კითხვებზე აგებულ გუნდურ თამაშს, რომელიც ჩატარდება 3 ტურად: შესარჩევი ტური, ნახევარფინალი და ფინალი. დასკვნითი თამაში გაიმართება 24 დეკემბერს.
სამ საპრიზო ადგილზე გასული გუნდის ყველა მონაწილეს დააჯილდოვებს ხელოვნების უნივერსიტეტი, გამომცემლობა "წიგნები ბათუმში", აჭარის უმაღლესი საბჭოს განათლების, მეცნიერებისა და კულტურის კომისია, აჭარის განათლების, კულტურისა და სპორტის სამინისტრო და სხვა მხარდამჭერები.
ოლიმპიადის ორგანიზატორია სტუდენტური კლუბი "24".