ახალი ამბები

კლასიკური მუსიკის საღამო შუახევში

28 მაისი 2013 წელი

შუახევის მუნიციპალიტეტში ხელოვნების კვირეული დასრულდა. კვირეულის ბოლო დღე კლასიკური მუსიკის საღამოს დაეთმო. კონცერტზე ხელოვნების უნივერსიტეტის მუსიკის ფაკულტეტის სტუდენტებმა მოცარტის, ლეჰარის და დონიცეტის ცნობილი ოპერებიდან სხვადასხვა არიები შეასრულეს. შესრულდა რევაზ ლაღიძისა და მელიტონ ბალანჩივაძის ნაწარმოებებიც.
კვირეული კულტურის ცენტრის რეჟისორის, ხელოვნების უნივერსიტეტის კურსდამთვრებულის, ვახტანგ ბერიძის ორგანიზებითა და მუნიციპალიტეტის გამგეობისა და საკრებულოს მხარდაჭერით ჩატარდა.
სრულად

რექტორის ვიზიტი მოლდავეთში

27 მაისი 2013 წელი

21-26 მაისს ხელოვნების უნივერსიტეტის რექტორი ე.მესხია საქმიანი ვიზიტით იმყოფებოდა მოლდავეთის რესპუბლიკის ქ. კიშინიოვში, სადაც მონაწილეობა მიიღო ტემპუსის საერთაშორისო პროექტის დასკვნით კონფერენციაში. ვიზიტის პერიოდში ხელი მოეწერა ურთიერთთანამშრომლობის მემორანდუმებს კაჰულის "ბოგდან პეტრიცეიკუ ჰასდეუს" და ბალტის ალეკუ როსოს სახელმწიფო უნივერსიტეტებს შორის. დელეგაცია, რომლის შემადგენლობაში რექტორთან ერთად შედიოდნენ აჭარის ავტონომიური რესპუბლიკის უმაღლესი საბჭოს განათლების, კულტურის, მეცნიერებისა და სპორტის კომისიის თავმჯდომარე, ასოცირებული პროფესორი გ. მასალკინი და სოხუმის სახელმწიფო უნივერსიტეტის საგარეო საქმეთა და კულტურათაშორისი კომუნიკაციების დეპარტამენტის უფროსი, პროფესორი ი.ძაგანია მიიღი საქართველოს ელჩმა მოლდავეთში ა. მიქაცაძემ.
სრულად

მიხეილ კობახიძის მასტერკლასი

25 მაისი 2013 წელი

ცნობილმა ქართველმა რეჟისორმა მიხეილ კობახიძემ ჩაატარა მასტერკლასი. სტუდენტებმა მიხეილ კობახიძის კინოშედევრები „ქორწილი“, „ქოლგა“ და „მუსიკოსები“ ნახეს, ასევე ნაჩვენები იყო რეჟისორის სტუდენტობის პერიოდში შექმნილი საკურსო ფილმები და უკანასკნელი ფილმი „გზა“. შეხვედრა-მასტერკლასი დიალოგის რეჟიმში გაიმართა. „როგორი უნდა იყოს კარგი კინო და რა უნდა გაითვალისწინონ მომავალმა კინორეჟისორებმა?“ - ახალბედა რეჟისორების და მსახიობების შეკითხვებს რეჟისორმა ამომწურავი პასუხები გასცა.
სრულად

CIOFF კონფერენციაზე თბილისში

25 მაისი 2013 წელი

ბათუმის ხელოვნების სასწავლო უნივერსიტეტის კურსდამთავრებულმა, მოწვეულმა მასწავლებელმა ლოლიტა სურმანიძემ, მუსიკის ფაკულტეტის ეთნომუსიკოლოგიის სპეციალობის მაგისტრანტმა გიორგი კრავეიშვილმა და ფაკულტეტთან არსებულმა ფოლკლორულმა ანსამბლმა „აიდიომ“ მონაწილეობა მიიღეს 24 მაისს, თბილისში, ფოლკლორისა და ტრადიციული ხელოვნების ორგანიზაციათა საერთაშორისო საბჭოს CIOFF-ის ეგიდით ორგანიზებულ კონფერენციასა და კონცერტში.
სრულად

ვორკშოპი მარკეტინგული კვევის საკითხებზე

24 მაისი 2013 წელი

ბრიტანეთის საბჭოსა და აჭარის განალების, კულტურისა და სპორტის სამინისტროს ერთობლივი პროექტით 23 და 24 მაისს ჩატარდა ვორკშოპი თემაზე "მარკეტინგი და აუდიტორიის განვითარება". მონაწილეობდნენ ხელოვნების უნივერსიტეტის სტუდენტები, პედაგოგები და აჭარაში მოქმედი თეატრებისა და სახელოვნებო დაწესებულებების წარმომადგენლები.
სრულად

სიახლეების კალენდარი

ორშსამოთხხუთპარშაბკვ
    123
45678910
11121314151617
18192021222324
25262728293031