2019 წლის 9 სექტემბერს ქალაქის ცენტრში მდებარე ისტორიულ მოდერნიზებულ შენობაში ბათუმის ხელოვნების სასწავლო უნივერსიტეტის ახალი კორპუსი გაიხსნა. უნივერსიტეტის გახსნის ცერემონიალს ესწრებოდნენ აჭარის ავტონომიური რესპუბლიკის მთავრობის თავმჯდომარე თორნიკე რიჟვაძე, განათლების, კულტურისა და სპორტის მინისტრი მაია ხაჯიშვილი, ქალაქ ბათუმის მერი ლაშა კომახიძე, უმაღლესი საბჭოს დეპუტატები, ადგილობრივი ხელისუფლების წარმომადგენლები, სტუდენტები, კურსდამთავრებულები, უნივერსიტეტებიდან მოწვეული სტუმრები, შემოქმედებითი სფეროს მოღვაწეები.

Erasmus+ პროგრამის ფარგლებში, ევროკომისიის განათლების, აუდიოვიზულური და კულტურის აღმასრულებელმა სააგენტომ უმაღლესი განათლების სფეროში შესაძლებლობების განვითარების მიმართულებით, 2019 წელს გამოცხადებული კონკურსის შედეგები გამოაქვეყნა.

ყოველ ზაფხულს ბათუმი მოდის მიმდევრებს როგორც ქართველი, ისე უცხოელი დიზაინერებისა და ბრენდების ახალ კოლექციებს სთავაზობს. მოდის კვირეული უკვე მეხუთედ იმართება, რომლის მიზანია საზოგადოებას გააცნოს ახალგაზრდა დიზაინერები და ერთმანეთთან დააკავშიროს მოდისა და ბიზნესის წარმომადგენლები.

ხულოში გაიმართა საქართველოს შოთა რუსთაველის თეატრისა და კინოს სახელმწიფო უნივერსიტეტისა და ბათუმის ხელოვნების უნივერსიტეტის მიერ ერაზმუსის პროგრამის ფარგლებში დაგეგმილი საერთაშორისო კინოპროექტის - „DocNomads - TAFU - ბეშუმის საზაფხულო კინოსკოლა“ პრეზენტაცია.

წელს პირველად, აჭარის ავტონომიური რესპუბლიკის განათლების, კულტურისა და სპორტის სამინისტროს დაფინანსებით განხორციელდა პროექტი - „DocNomads-TAFU - ბეშუმის საზაფხულო კინოსკოლა“.