ხელოვნების უნივერსიტეტის რექტორატი სტუდენტებს, პროფესორ-მასწავლებლებსა და თანამშრომლებს ულოცავს დამდეგ 2014 წელს. უსურვებს სიხარულს, სიყვარულს, ბედნიერებას, წინსვლას და წარმატებებს შემოქმედებით საქმიანობასა და პედაგოგიურ მოღვაწეობაში.

კინოკლუბში გაიმართა ჩვენება მიხაილ ჰანეკეს ფილმისა „სიყვარული“(2012 წ.), რომლის პრემიერა შედგა კანის 65-ე კინოფესტივალზე და ფილმმა „ოქროს პალმის რტოს“ მთავარი პრიზი მოიპოვა.

გაიმართა წინასაახალწლო კონცერტი. შესრულდა არიები მოცარტის, პუჩინის, დონიცეტის და ვერდის ნაწარმოებებიდან. მონაწილეობდნენ მუსიკის ფაკულტეტის აკადემიური სიმღერის მიმართულების სტუდენტები; გუნდი, ქორმაისტერი ლ. დოლიძე; სოლისტები ე. გორგილაძე, მ. გასპარიანი, ე. დილოიანი; კონცერტმაისტერები: რ. კვახაძე, ნ. ნიშნიანიძე, ე. სოსელია, ლ. ლურსმანაშვილი; პედაგოგი, ასოცირებული პროფესორი მამუკა ალაფიშვილი, საოპერო მიმართულების ხელმძღვანელი, პროფესორი თამაზ ცერიაშვილი. კონცერტში მონაწილეობდა ბათუმის სახელმწიფო მუსიკალური ცენტრის ზ. ანჯაფარიძის საოპერო სტუდიის სოლისტი, ევროპაში მოღვაწე ტენორი, ხელოვნების უნივერსიტეტის კურსდამთავრებული, ირაკლი კახიძე.

2013 წლის 29 დეკემბერს, კვირას, 12-00 საათზე კინოკლუბში გაიმართება კინოჩვენება. აუდიტორია 67. ადგილების რაიდენობა შეზღუდულია.

სახვითი, სასცენო და კინო-ტელე ხელოვნების ფაკულტეტის სტუდენტთა მონაწილეობით წარმოდგენილი იყო გურამ პეტრიაშვილის ზღაპრის მიხედვით შექმნილი სპექტაკლი "უცნაური მხატვარი". დადგმა განახორციელა დრამის რეჟისურს სპეციალობის მაგისტრანტმა გიორგი ქათამაძემ, მონაწილეობდნენ სამსახიობო სპეციალობის პირველი კურსის სტუდენტები.