საქართველოს გარემოსა და ბუნებრივი რესურსების დაცვის სამინისტროს ინიციატივით დაგეგმილ დასუფთავების კვირეულში მიიღეს მონაწილეობა ხელოვნების უნივერსიტეტის სტუდენტებმა და პროფესორ-მასწავლებლებმა. აქციის მონაწილეებმა გაწმინდეს თამარის დასახლებაში თამარ მეფის სახელობის ეკლესიის მიმდებარე ტერიტორია პოლიეთილენის ბოთლებისა და საყოფაცხოვრებო ნარჩენებისაგან. აქციის დასრულების შემდეგ სანთლები დაანთეს ეკლესიაში.

ხელი მოეწერა ურთიერთთანამშრომლობის მემორანდუმს ხელოვნების უნივერსიტეტსა და ბათუმის ვახტანგ ჭაბუკიანის სახელმწიფო კლასიკური ბალეტის სკოლას შორის.

გაიმართა სადიპლომო ნაშრომების დაცვა ტანსაცმლის დიზაინის სპეციალობაში.საკუთარი მოდელები წარმოადგინეს დიპლომანტებმა მაია არქანიამ, მერი თავართქილაძემ, თამარ ცეცხლაძემ და თამარ ჯიმშერაძემ. ჯგუფის ხელმძღვანელი, სახვითი ხელოვნების დეპარტამენტის ასოცირებული პროფესორი დიანა თალაკვაძე.

სახვითი, სასცენო და კინო-ტელე ხელოვნების ფაკულტეტის, დრამატული თეატრისა და კინოს სამსახიობო სპეციალობის პირველ კურსზე გაიმართა ღია გამოცდა სასცენო მეტყველებაში.

ცნობილი რეჟისორის ფრენსის ფორდ კოპოლას ძმისშვილი და მსახიობ ნიკოლას ქეიჯის ძმა კრისტოფერ კოპოლა ხელოვნების უნივერსიტეტის ეწვია. ჰოლივუდელი რეჟისორი და პროდიუსერი სტუდენტებთან ერად იღებს ფილმს, რომელშიც თავადაც მონაწილეობს.
14 ივნისს, სტუდენტური ნამუშევარი ფესტივალის ვებ-გვერდზე განთავსდება და მთელი მსოფლიოს მასშტაბით, ხმის მიცემა დაიწყება. გამარჯვებულები 15 ივნისს გამოვლინდებიან.
აღნიშნულ პროექტს ბავშვთა და ახალგაზრდობის ცენტრი და ფესტივალი "კინემატოგრაფია ყველასთვის" ახორციელებენ. ფესტივალი "ჰოლივუდი ყველასთვის" სხვადასხვა ქვეყნის ახალგაზრდებისთვის ჰოლივუდის კარის ფართოდ გაღებას და კინოინდუსტრიის განვითარებას ისახავს მიზნად.