კინოკლუბში გაიმართა ნანი მორეტის ფილმის "ჩვენ გვყავს პაპი" ჩვენება. მოწვეული იყვნენ ბათუმის საჯარო სკოლების მე-11 და მე-12 კლასის მოსწავლეები. მათ დაურიგდათ ხელოვნების უნივერსიტეტის 2014-2015 სასწავლო წლის მისაღები გამოცდებისთვის დაბეჭდილი ბუკლეტები, ნაჩვენები იყო ვიდეოკლიპი, რითაც საშუალება ჰქონდათ გაცნობოდნენ თუ რა სპეციალობებზე იქნება მიღება ახალი სასწავლო წლიდან.

კინოკლუბში კინოჩვენება გაიმართება 2014 წლის 23 თებერვალს 15-00 საათზე. აუდიტორია 51.

ხელოვნების უნივერსიტეტის არსებობის ისტორიაში პირველად შედგა დისტანციური მასტერკლასი საქართველოსა და ამერიკის შეერთებულ შტატებს შორის, კერძოდ ბათუმისა და სან-ფრანცისკოს სახელოვნებო უმაღლეს სასწავლებლებს შორის, რომელსაც ჩაატარებენ ბათუმის ხელოვნების უნივერსიტეტის პროფესორი, რეჟისორი ზაზა ხალვაში და ჰოლივუდელი პროდიუსერი და რეჟისორი ქრისტოფერ კოპოლა. ის ჯერ კიდევ გასული წლის ივნისში იმყოფებიდა ბათუმში და ჩვენი სტუდენტების მიერ გადაღებულ ფილმში მონაწილეობდა. სწორედ მაშინ დაიგეგმა დისტანციური მასტერკლასების ჩატარება. (ტექსტი იხ. სრულად)

ბათუმის სახელმწიფო მუსიკალურ ცენტრში 12 თებერვლიდან 1 მარტის ჩათვლით ტარდება მუსიკალური ფესტივალი "ბათუმური საღამოები". 12 თებერვალს გაიმართა ხელოვნების უნივერსიტეტის რეჟისურის სპეციალობის სტუდენტის ნინელი გოგიტიძის ფილმის "ბათუმური შემოდგომა" პრეზენტაცია. 15 თებერვალს დაგეგმილია ნ. გოგიტიძის კიდევ ერთი ფილმის "პორტრეტი" ჩვენება, რომელიც იური ხაბაზს ეძღვნება, ხოლო 23 თებერვალს გაიმართება ფილმის "ენვერ ხაბაძე - ცეკვის ჯადოქარი" პრეზენტაცია.

Global Ugrad
ამერიკის შეერთებული შტატების მთავრობა და საერთაშორისო კვლევისა და გაცვლების საბჭო (IREX) აცხადებს შესარჩევ კონკურსს გლობალურ სტუდენტურ გაცვლით პროგრამაზე 2014-2015 აკადემიური წლისთვის (Global Undergraduate Exchange Program in Eurasia and Central Asia). ანკეტების მიღების ბოლო ვადაა 2014 წლის 28 თებერვალი.