ხათუნა დონდუა (მეცო–სოპრანო) - ბათუმის ხელოვნების სასწავლო უნივერსიტეტის მუსიკის ფაკულტეტის სოლო სიმღერის სპეციალობის მაგისტრატურის პირველი კურსის სტუდენტია, პარალელურად, საოპერო სტუდიის სოლისტი და საგუნდო კაპელის მომღერალია.

მარიამ ძნელაძე (ლირიკულ–კოლორატურული სოპრანო) ამავე ფაკულტეტის სოლო სიმღერის სპეციალობის მეოთხე კურსის სტუდენტია, პარალელურად, ახალგაზრდულ მუსიკალური თეატრისა და ასევე კვარტეტ "4 YOU"-ს სოლისტია.

ხელოვნების უნივერსიტეტის კურსდამთავრებულები წარმატებით აგრძელებენ საქმიანობას. სამსახიობო სპეციალობის კურსდამთავრებული თამუნა ჭუბაბრია ფოთის სახელმწიფო თეატრში მიიწვიეს. ამავე თეატრის დასში ჩაირიცხნენ ხელოვნების უნივერსიტეტის სამსახიობო სპეციალობის სტუდენტები გიორგი ჯანყარაშვილი და შოთა სასანია.

ბათუმის ხელოვნების სახელმწიფო სასწავლო უნივერსიტეტი ღრმა მწუხარებით იუწყება, რომ გარდაიცვალა ცნობილი ხელოვანი და საზოგადო მოღვაწე, საქართველოს დამსახურებული არტისტი, ბათუმის საპატიო მოქალაქე ლევან ღლონტი და სამძიმარს უცხადებს გარდაცვლილის ოჯახს.

საქართველოს კულტურისა და ძეგლთა დაცვის სამინისტროს მხარდაჭერით, თბილისის ვანო სარაჯიშვილის სახელობის სახელმწიფო კონსერვატორიის, თბილისის აპოლონ ქუთათელაძის სახელობის სახელმწიფო სამხატვრო აკადემიის, საქართველოს შოთა რუსთაველის სახელობის თეატრისა და კინოს სახელმწიფო უნივერსიტეტის და ბათუმის ხელოვნების სასწავლო უნივერსიტეტის 43 სტუდენტი კვალიფიკაციის ასამაღლებლად მაგისტრატურაზე ისწავლის.

გაიმართა კონცერტი მუსიკის ფაკულტეტის სტუდენტთა მონაწილეობით. შესრულდა არიები ვ. დოლიძის, ჯ. პუჩინის,რ. გაბიჩვაძის, პ. მასკანის, დ. არაყიშვილის და სხვა კომპოზიტორთა ნაწარმოებებიდან. მონაწილეობდნენ: ნ. წულაია, ი. მელიქიშვილი, ა. მოწონელიძე,გ. ოსიყმაშვილი, ი. გოგუა, ნ. ბოლქვაძე, თ. ჩიტაიშვილი, ა. დიასამიძე, ს. სალაძე, ნ. ქარცივაძე, გ. გიგინეიშვილი, გ. ხილაძე, მ. ბერიძე, მ. გოგიჩაიშვილი, ნ. ჩიჩუა, მ. ფირცხალაიშვილი, ხ. ხაჯიშვილი, ნ. კონცელიძე, ი. ჟღენტი. აკადემიური სიმღერის დეპარტამენტის ხელმძღვანელი, პროფესორი თამაზ ცერიაშვილი.